Rusiya reaktiv pilotsuz uçuş aparatlarına qarşı mübarizənin ən effektiv üsullarından biri aviasiyadır.

Axar.az xəbər verir ki, bunu Ukraynanın müdafiə naziri Yevgeni Xmara deyib.

O bildirib ki, pilotların peşəkarlığı və daha yaxşı koordinasiya sayəsində aviasiyanın tətbiqinin effektivliyi artmaqda davam edir:

"Bunun sayəsində hazırda aviasiyamız bir hava hədəfinə qarşı daha az döyüş sursatından istifadə edir. Bu göstəricini daha da yaxşılaşdırmağı planlaşdırırıq.

Eyni zamanda, Ukrayna müxtəlif növ düşmən hədəflərinə, o cümlədən reaktiv pilotsuz uçuş aparatlarına qarşı mübarizə aparmaq üçün çoxmərhələli hava hücumundan müdafiə sistemini inkişaf etdirir.

Hava təhdidlərinə qarşı mübarizə çoxmərhələli sistem prinsipi əsasında qurulur. Səma müdafiəsi üçün yalnız bir növ vasitə kifayət etmir. Belə müdafiə sistemi bir neçə eşelondan ibarətdir. Bura zenit-raket kompleksləri, daşınan zenit-raket kompleksləri, radioelektron mübarizə sistemləri, ələ keçirici dronlarla təchiz olunmuş ekipajlar və “kiçik hava hücumundan müdafiə” vasitələri daxildir. Bu vasitələri “Miraj” və F-16 qırıcıları da daxil olmaqla, aviasiya komponenti tamamlayır".