Levon Ter-Petrosyanın bir müddət öncəki çıxışı Ermənistan Prezident Administrasiyası ilə razılaşdırılıb.

Axar.az xəbər verir ki, bu barədə informasiyanı “Jamanak” qəzeti özünün etibarlı mənbələrinə istinadən yayıb. Qəzet Petrosyanın çıxışının hökuməti tənqid baxımından çox yumşaq olduğunu bildirib:

“Hakimiyyət Respublika Partiyasının nümayəndələrinə Petrosyan əleyhinə aqressiv və təhqiramiz bəyanatlar səsləndirməmək tapşırığı verib. Üstəlik hakimiyyətlə Petrosyanın Erməni Milli Konqresi Partiyası arasında parlamentdəki yer sayı ilə bağlı sövdələşmə davam edir”.

Qeyd edək ki, bundan öncəki çıxışında Petrosyan Ermənistan hakimiyyətini 90-cı illərdə Bakı ilə İrəvan arasında əldə oluna biləcək sülhə maneə yaratmaqda günahlandırıb. O, həmçinin İrəvanın inkişafı üçün Qarabağ konfliktinin dərhal sülh yolu ilə həll edilməsi gərəkdiyini bildirib.