Məşhur istirahət bölgələri olan Korsika adası və Kot de Azur ərazilərində davam edən yanğınları söndürmək üçün Fransa höküməti Avropa Birliyinə müraciət edib.

Axar.az “Franse24” saytına istinadən xəbər verir ki, yanğını söndürmək üçün 4 min yanğınsöndürən və çoxlu sayda helikopter cəlb edilib, texnikanın daha da artırılacağı gözlənilir.

Baş verən yanğınlar nəticəsində 7 yanğınsöndürən yaralanıb, 15 polis işçisi isə tüstüdən zəhərlənib. Nitsa şəhəri yaxınlığında bir neçə ev və nəqliyyat vasitəsi yanıb. 200 nəfər insan evakuasiya edilib.

Fransa rəsmiləri bildirir ki, bazar ertəsi başlayan yanğını söndürmək hələlik mümkünsüz görünür və əlavə dəstəyə ehtiyac var.

Qeyd edək ki, Fransa rəsmiləri bildirir ki, bazar ertəsi başlayan, 4 min hektarı əhatə edən meşə yanğınlarının qarşısını almaq hazırda mümkünsüz görünür və əlavə dəstəyə ehtiyac var.