Rusiyanın Xarici işlər naziri Sergey Lavrov İraqda İŞİD-in Mosul, Tikrit və digər şəhərlərə hücum etməsinin ölkənin ərazi bütövlüyünə təhdid olduğunu bildirib.

Axar.az xəbər verir ki, radikal islam qruplaşmalarının İraqın bir neçə şəhərində nəzarəti ələ almasından narahatlıq duyduğunu dilə gətirən Lavrov "Biz İraqda baş verən hadisələrdən çox narahatıq. Amerikalılar və ingilislərin orada qarışdırdığı oyunların belə nəticə verəcəyi barədə xəbərdarlıq etmişdim"- deyə qərbi tənqid edib.

Bu arada Ukrayna barədə danışan Lavrov BMT Təhlükəsizlik Şurasına yeni layihə təqdim etməyə hazırlaşdıqlarını açıqlayıb. Ukraynada hərbi əməliyyatların dayandırılması məsələsində hər hansı irəliləyişin olmadığını, lazım gələrsə Ukraynaya Rusiya sülhməramlılarını göndərməyə hazır olduqlarını bildirib.