Dünyanın aparıcı kütləvi informasiya vasitələri Ukrayna Xarici İşlər naziri Andrey Deşiçanın Rusiya Prezidenti Vladimir Putinə həsr olunan nalayiq mahnını oxumasından sonra bu mahnıya diqqət ayırıblar. Ancaq nalayiq mahnının sözlərinin tərcüməsində böyük çətinliklər çəkdiklərini ifadə ediblər.

Axar.az xəbər verir ki, sözlərin hərfi tərcüməsində böyük uyğunsuzluq yaşanıb. Tərcümədə Rusiya prezidenti daha təhqir olunmuş çıxıb. Məsələn, İngiltərinin "EurActiv" qəzeti bunu etiraf edib və ukraynalı diplomatın işlətdiyi ifadənin ölkəsinin söz ehtiyatında yeni ifadələr olduğunu dilə gətirib. Bundan başqa, demək olar ki, Avropa mediasında bu nalayiq ifadələrin nə transkripsiyasında, nə də digər filologi standartlarda vahid tərcümə nöqtəsi tapılmayıb.

Ən fərqli tərcümələr macar və vyetnam dillərində alınıb. Burada Putin sanki küçə söyüşü ilə söyülüb.

Xatırladaq ki, bu günlərdə Ukrayna hərbçilərini daşıyan təyyarənin separatçılar tərəfindən vurulmasından sonra yüzlərlə ukraynalı Rusiyanın Kiyevdəki səfirliyi önünə gələrək, çılğın şəkildə öz etirazlarını biıdirmişdilər. Hadisə yerinə gələn ölkənin Xarici İşlər naziri aqoniya içində olan kütlənin təpkisinin qarşısının alınması üçün Putinə həsr olunan nalayıq mahnının nəqarətini onlarla bir yerdə oxumuşdu. Mahnının Ukrayna naziri tərəfindən səsləndirilməsi isə Rusiyada böyük etiraz doğurdu. Hətta Rusiya Dövlət Dumasının üzvləri Poroşenkodan Deşiçanı istefaya göndərməyi tələb etdilər.

​