İraq Baş naziri Nuri əl-Maliki oğlunu ictimaiyyətdən gizlədir.

Axar.az xəbər verir ki, Səddam Hüseynin oğlu Uday Hüseynə bənzədiyi üçün Əhməd Maliki gizlənir.
Əhməd Malikinin mediada yayımlanan bir neçə fotosu var ki, bu fotolardan da onun Baş nazirin oğluna aid olub-olmadığı bilinmir.

Gecə həyatına bağlı olan 20 yaşlı Əhməd Maliki iş adamı olmaqda iddialıdır. Əldə edilən məlumatlara görə, Əhməd Maliki İraqın Vaşinqton səfirliyi vasitəsilə ticarətlə məşğul olur. İraqdakı həbsxanalardan birinin isə Baş nazirin oğluna aid olduğu iddia edilir. Əhməd Maliki barədə ən dəqiq informasiya onun ətrafı tərəfindən Hamudi ləqəbi ilə tanınmasıdır. Nuri əl-Maliki Səddam Hüseyn dövründə Suriyada sürgün həyatı yaşadığı üçün oğlunun uşaqlıq dövrü də bu ölkədə keçib.

Əhməd Malikinin Almaniya və Rusiyaya tez-tez səyahət etdiyi bildirilir. Həmçinin Baş Nazirliyin ofisində rəsmi vəzifəsi olduğu da qeyd edilir.