"Mənə hansı səbəbdən Krıma girməyə qadağa qoyduqlarını anlaya bilmirəm. Biz belə qadağalara varvarlıq kimi baxmalıyıq. Krımda fərqli düşüncəli olan insanları təqib edirlər. Ən dəhşətlisi isə həmin insanların xəbər-ətərsiz yoxa çıxmasıdır və onların heç birini tapa bilmirlər".

Axar.az xəbər verir ki, bu açıqlama ilə Krım Tatar Məclisinin sədri Refat Çubarov çıxış edib.

O, Krımın hazırda ikinci planda olduğunu qeyd edir:

"Ukraynanın şərqində baş verənlər sadəcə, dəhşətdir. Orada hər gün insanları öldürürlər, bu isə faciədir. Orada baş verənlər Krımın ikinci plana keçməsinə şərait yaradıb. Ruslar da vəziyyətdən istifadə edərək Krımda sənədləşmə işlərini tələsdirirlər. Onlar belə olan təqdirdə Krımı geri qaytarmağın daha çətin olacağını düşünürlər".