Bu gün Türkiyənin Mərmərə bölgəsində baş verən zəlzələnin 15 ili tamam olur.

Axar.az xəbər verir ki, 17 avqust 1999-cu il Türkiyə vaxtı ilə gecə saat 03:02 radələrində baş verən və bütün dünyanı sarsıdan zəlzələ nəticəsində 18.373 nəfər ölmüş, 48.901 nəfər isə yaralanmışdı.

Paytaxt Ankaradan İzmirə qədər geniş bir ərazidə baş verən yeraltı təkanların episentr bölgəsi Kocaeli şəhərinin Gölcük mahalı olmuşdu. Məhz buna görə də ən çox itki və dağıntı məhz Gölcükdə baş vermişdi. Dəhşətli fəlakət nəticəsində 600 min insan evsiz qalmışdı.

Azərbaycanın da daxil olduğu 52 ölkənin hadisə yerinə göndərdiyi humanitar və canlı qüvvə yardımı nəticəsində minlərlə insan dağıntılar arasında xilas edilmişdi.