Uelsdə keçirilən NATO-nun zirvə sammitində Türkiyə Prezidenti Rəcəb Tayyib Ərdoğan ilə Yunanıstan Baş naziri Andonis Samaras arasında Kipr gərginliyi yaşanıb.

Axar.az xəbər verir ki, bu iddia ilə Cənubi Kipr mətbuatı çıxış edib.

Ərdoğan ilə Samaras arasında 50 dəqiqə davam edən görüşün təfərrüatlarını yayımlayan C. Kipr mətbuatı hər iki liderin sözlərinə geniş yer verib.

Ərdoğan: "Mənə ilk təbrik zəngi Hörmətli Samarasdan gəldi. Dost və qonşuyuq. Əlaqələrimizi bölgədə rifah və sabitlik lehinə gücləndirməliyik".

Samaras isə öz növbəsində Egey dənizində hava məkanlarının pozulduğuna diqqət çəkərək ikitərəfli əlaqələri zədələyəcək addımların olmamasının lazım olduğunu bildirib.

Samaras daha sonra məsələni Kipr probleminə yönəldərək bildirib ki, Kipr AB üzvüdür və problem də AB-nin tələblərinə uyğun olmalıdır.

Ərdoğan isə Şimali Kipr ilə Cənubun iki ayrı demokratik ölkə olduğunu və bir federasiya hədəflədiklərini qeyd edib.

Yunanıstan Baş naziri Ərdoğanın iki dövlət sözlərinə isə belə cavab verib:

"Çox yaxşı Cənab prezident, real bir problemlə, gerçək bir anlaşmazlıqla qarşı-qarşıyayıq".