Tvitter sosial şəbəkəsinin
rəhbərliyi İŞİD terrorçularından təhdid dolu mesajlar aldıqlarını
açıqlayıb.
Axar.az xəbər verir ki, terrorçuların səhifələrinin mütəmadi
olaraq bağlanıldığını deyən rəhbərlik bir müddət öncə qorxulu
mesajlar aldıqlarını etiraf edib:
"Onların səhifələri bağlanılır. Amma elekton poçtumuza təhdid
dolu mesajlar göndərirlər".
Dik Kostlo adlı şirkət sözçüsü terrorçuların yalnız Tvitter
vasitəsi ilə yazışdıqlarını dilə gətirib:
"Onlar aktiv Tvitter istifadəçiləridir. Terrorizmi dəstəkləyən
və hesabları bağlanılan İŞİD üzvləri mənə və Tvitter işçilərinə
"Şirkətə hücum edib sizi öldürəcəyik", - deyərək bizi təhdid
edirlər".
Xatırladaq ki, terrorçular amerikalı jurnalistlərin edam
görüntülərini ilk dəfə Tvitterdə paylaşmışdılar.