Ana səhifə Planet |
Gürcüstan hökuməti Pankisi dərəsindəki su elektrik stansiyasının tikintisinə əhalinin 90%-nin razılığını aldıqdan sonra başlayacaq.
Axar.az xəbər verir ki, bu bəyanatla Gürcüstan Daxili İşlər naziri Georgi Qaxariya çıxış edib. O, yerli əhali ilə bu istiqamətdə danışıqları SES-i tikəcək şirkətin aparacağını bildirib.
Qaxariya əhalinin bu məsələyə daş atmaqla etiraz etməsinin problemdən çıxış yolu olmadığını deyib. O, polisə hücum edən bütün şəxslərin cəzalandırılacağını və xüsusi təyinatlıların yaxın zamanlarda Pankisi dərəsini tərk edəcəyini söyləyib.
Qeyd edək ki, dünən Pankisi dərəsində yerli əhali ilə polis arasında böyük toqquşma yaşanıb. Buna səbəb yerli əhalinin “Xadori” su elektrik stansiyasının tikintisinə etiraz etməsi olub. Əhalini narazı salan əsas məqam Alazan çayı üzərində tikiləcək SES-in onların öz evlərini tərk etməyə məcbur qoyacağı qorxusudur.
Tarix
2019.04.22 / 10:58
|
Müəllif
İlkin Həsənov
|