Moskva dövlət məhkəməsi terror aktı təşkil etməkdə şübhəli bilinən Yulay Davletbəyovun saxlanılma müddətini fevralın 6-dək, onun əlaltısı Robert Əmirxanovun müddətini isə fevralın 21-dək uzadıb.

Axar.az RİA Novostiyə istinadla xəbər verir ki, bu barədə məhkəmənin mətbuat xidmətindən məlumat veriblər.

Qeyd edək ki, Davletbəyov 6 iyun 2013-cü ildə Moskvada saxlanılıb və məhkəmənin qərarı ilə "Lefertovo" məhkəmə-istintaq təcridxanasına yerləşdirilib. Onun ehtimal edilən əlbiri Əmirxanov da bu həbsxanaya salınıb.

Hüquq-mühafizə orqanlarının məlumatına görə, Davletbəyov Moskvada təşkil edilən terror aktının təşkilstçılarından biridir. Onun əlaltıları bu ilin mayında Moskva ətrafındakı Orexovo-Zuyevoda keçirilən əməliyyat zamanı neytrallaşdırılıblar. Əmirxanov da bu əməliyyat zamanı saxlanılıb. O vaxt bilidirilmişdi ki, terrorçular 9 may 2013-cü ildə Moskvada partlayışlar törətmək niyyətində olublar. Əmirxanov Davletbəyovu ələ verib və o keçirilən xüsusi əməliyyatlardan iki həftə sonra saxlanılıb.

Onlara qarşı banditizim, terrorizm, qanunsuz silah saxlama və hazırlama ittihamları irəli sürülüb.