Deyir ki, əlində dəyənəklər var idi. Bu barədə kimsə nəsə görməyib. Yalançı külək ilə qarşı-qarşıyayıq. Mən bu yalançı küləkdən yorulmuşam.

Axar.az xəbər verir ki, bunu Türkiyə Daxili İşlər naziri Süleyman Soylu CHP başqanı Kamal Kılıçdaroğlunun hücuma məruz qalmasına münasibət bildirərkən deyib.

"İstintaq davam edir. Bu ana qədər heç bir təxribata rast gəlməmişəm. Məndən soruşsaydılar, getməməyi tövsiyə edərdim. CHP-çilərin şəhidlərin dəfninə təhlükəsizliklə bağlı getməmələrini dedim", - Soylu söyləyib.

Qeyd edək ki, CHP sədri Kamal Kılıçdaroğlu Ankarada bir şəhidin dəfn mərasimində hücuma məruz qalıb.