Ağ Ev bu ilin qışına qədər Ukraynaya silah göndərməyəcək.

Axar.az "Tsn.ua" saytına istinadən xəbər verir ki, bu açıqlama ilə amerikalı ekspert Maykl Kofman çıxış edib.

O, Ukraynaya göndəriləcək silahların birbaşa ordunun əlinə keçməsi ilə bağlı Vaşinqtona heç bir zəmanətin verilmədiyini deyib:

"Hazırda Ukraynada ordu ilə bərabər minlərlə könüllü döyüşçü vuruşur. Bu tip döyüşçülərin silahları ələ keçirərək satmaq istəməsilə bağlı hələlik heç bir zəmanət verilməyib. Əksər amerikalı siyasətçilər hesab edirlər ki, ABŞ-ın silahları Rusiyanı provokasiyaya çəkəcək və bu da konfliktin eskalasiyasına səbəb olacaq. ABŞ Ukrayna böhranının sülh yolu ilə həll edilməsi yollarını tapa bilmir. Amma bir şey aydındır ki, hərbi yol ölkəni məhvə aparır. Ona görə də indiki zamanda Ukraynaya silah göndərilməsi ABŞ üçün böyük riskdir".