Dünya ictimaiyyəti Rusiyanın Krımda nüvə silahı yerləşdirməsinə imkan verməməlidir.

Axar.az xəbər verir ki, bunu Ukraynanın Baş naziri Arseni Yaçenyuk söyləyib.

Onun sözlərinə görə, Ukrayna Rusiya üçün Qərbə qarşı mübarizə vasitəsidir:

"Rusiyanın bu addımı dünya üçün bir çağırışdır. Ona görə də dünya bütün vasitələri işə salaraq buna imkan verməməlidir. Krım axı Ukrayna ərazisidir. Ukrayna 1994-cü ildə Budapeşt Memorandumuna imza ataraq nüvə arsenalından imtina etmişdi. Ukrayna Rusiya üçün Qərbə, Avropa İttifaqına və NATO-ya üzv olan ölkələrə qarşı mübarizə vasitəsidir".

Qeyd edək ki, bundan öncə Rusiyanın Xarici İşlər naziri Sergey Lavrov Rusiya Federasiyasının Krımda nüvə silahı yerləşdirmək hüququnun olduğunu demişdi.