"ABŞ Kuba ilə bağlı münasibətlərində yeni səhifə açmağa hazırlaşır".

Axar.az xəbər verir ki, bunu ABŞ Prezidenti Barak Obama bildirib. Obama hesab edir ki, Konqresin Kubaya tətbiq etdiyi ticarət embarqosunu aradan qaldırmağa müvəffəq olacaq. Bundan əlavə, Obama Dövlət Departamentinə Kubanı terrorçulara dəstək verən ölkələr siyahısından çıxarmağı tapşırıb.

Kuba Prezidenti Raul Kastro da iki ölkə arasında diplomatik münasibətlərin bərpası haqqında informasiyanı təsdiq edib.

Obama və Raul Kastro dünən axşam saatlarında telefon əlaqəsi yaradıb, danışıq 45 dəqiqə davam edib.

Qeyd edək ki, 1961-ci ildən bu dövlət başçıları arasında heç bir əlaqə yaradılmamışdı.