Ukraynanın eks-prezidenti Pyotr Poroşenkonun Avropa Həmrəyliyi Partiyası parlament reytinqində ikinci pilləyə yüksəlib.

Axar.az xəbər verir ki, bu barədə “Soçis” mərkəzinin keçirdiyi sorğu nəticəsində bəlli olub.

Məlumata görə, seçicilərin 7.9 faizi keçmiş liderin partiyasını dəstəkləməyə hazırdır.

Potensial seçicilərin 42.6 faizi Zelenskinin Xalqın Xidmətçisi Partiyasını dəstəkləyəcəyini bildirib. Üçüncü yerdə isə 7.7 faiz səslə Həyat Naminə Müxalif Platforma qərarlaşıb.

Sorğuya əsasən digər partiyalar 5 faizlik baryeri keçə bilməyib.

Xatırladaq ki, bir qədər əvvəl “Reytinq” şirkətinin keçirdiyi seçkidə Poroşenkonun partiyası 3-cü yerə çıxmışdı.