Birləşmiş Millətlər Təşkilatının (BMT) Suriya üzrə xüsusi nümayəndəsi Ştaffan de Mistura Türkiyənin suriyalı qaçqınlara verdiyi dəstəyi müsbət dəyərləndirib.

Axar.az xəbər verir ki, Mistura Türkiyənin Suriyada mühüm rol oynadığını söyləyib.

Türkiyənin Suriya problemində çox əhəmiyyətli bir ölkə olduğunu bildirən BMT nümayəndəsi bu ölkəyə 1 milyon 600 minə yaxın qaçqın sığındığını vurğulayıb. Mistura Türkiyənin döyüşdən qaçmış və heç bir yeri olmayan qaçqınlara əhəmiyyətli yardımlar etdiyini dilə gətirib.

Mistura Suriya problemi ilə bağlı Türkiyənin həm özü, həm də BMT ilə çox ciddi iş apardığını bildirib.