Yeni ildə "Gələcəyin yuxusu" adlı tamaşa nümayiş olunacaq.

Axar.az xəbər verir ki, ənənəvi teatr tamaşalarından fərqlənən eksperimental tamaşa "Gələcəyin yuxusu" pyesinin əsasında səhnələşdirilib. Pyesin müəllifi ssenarist və rejissor İntiqam Hacılıdır. Tamaşanı İntiqam Hacılı və "Buqələmun" filmi ilə Lokarno Beynəlxalq Kino Festivalında iştirak etmiş rejissor Elvin Adıgözəl səhnələşdirib.

Rollarını Nuranə Ayxan, Niyaz İlyasoğlu və Elvin Adıgözəlin ifa etdiyi tamaşanın hazırlıq işləri yekunlaşmaq üzrədir.

Qeyd edək ki, tamaşanın premyerası 2015-ci ilin ilk günlərində ODA teatrında nəzərdə tutulub. Tamaşaya texniki dəstəyi "Ssenari Mərkəzi" verir.