Türkiyə Prezidenti Rəcəb Tayyib Ərdoğan Almaniya Xarici İşlər naziri Hayko Maası sərt tənqid etməsi Almaniya mediasında geniş işıqlandırılıb.

Axar.az xəbər verir ki, alman mediası Bakıdan qayıdan Ərdoğanın alman nazir haqqında “naşı” deməsini tirajlayıb.

“Ərdoğan “Türkiyəyə silah satmayacağıq” deyən Maası ələ saldı”, - deyə mətbuat yazıb.

Qeyd edək ki, Ərdoğan jurnalistlərə açıqlamasında bunları demişdi:

"Almaniyanın Xarici İşlər naziri, həddini bilməyən bir insan çıxıb “Türkiyəyə silah satmayacağıq” deyir. Amandır, yandıq! Mən itirmərəm, siz itirərsiniz. Sən siyasəti də bilmirsən, siyasət naşısısan. Siyasəti bilsən belə danışmazdın. Sən satmasan nə olacaq? Biz bitdik? O vermirsə, başqa yerdən alarıq"