Şimali Koreya lideri Kim Çen İn Hərbi Hava və Hava Hücumundan Müdafiə Qüvvələrinin təlimlərini izləyib.

Axar.az xəbər verir ki, bu barədə Şimali Koreyanın Mərkəzi Teleqraf Agentliyi informasiya yayıb.

Təlimlər hərbi birləşmələr arasında yarış formatında keçirilib. Kim Çen İn təlimlərə cəlb olunan pilotların uçuş korpusunun “məğlubedilməz gücünü” nümayiş etdirdiyini vurğulayıb və məmnunluğunu gizlətməyib.

Pilotlara xitab edən Kim Çen İn onları düşmənlə istənilən şəraitdə vuruşmağa hazır olmağa çağırıb. O, mümkün müharibə zamanı düşmənin texnoloji üstünlüklərinə məhəl qoymamağı və siyasi-ideoloji, hərbi üstünlüklə bu fərqi aradan qaldıra biləcəklərini qeyd edib.