Almaniya kansleri Angela Merkel Yunanıstanın yeni hökumətindən gözləntilərinin olduğunu bildirib.

Axar.az xəbər verir ki, Merkel böhran içərisində olan Yunanıstan və digər ölkələrə yardım edəcəklərini qeyd edib:

"Almaniya və avropalı tərəfdaşlarla birgə Yunanıstanın yeni hökumətinin hansı layihə təklifi ilə gələcəklərini gözləyəcəyik" .

Merkel Yunanıstanın borclarının silinib-silinməməsi ilə bağlı açıqlamasında kredit təşkilatlarının borclardan könüllü şəkildə imtina etdiklərini, bəzi bankların da borcların bir qismini sildiyini vurğulayıb.

Almaniya kansleri bundan sonra borcların silinməsinin gündəmdə olmadığını deyıb.