"ABŞ-ın Balkan yarımadasına gəlməsindən sonra regionda mücahidlər möhkəmlənməyə başladılar".

Axar.az xəbər verir ki, bu açıqlama ilə hazırda Makedoniyada yaşayan, bir vaxtlar Yuqoslaviyanın xüsusi xidmət orqanlarında çalışmış general İvan Bavanovski çıxış edib.

O bu işdə Bosniya və Hersoqovinanın ilk prezidenti Aliya İzetbeqoviçin rolunun böyük olduğunu bildirib:

"Aliya İzetbeqoviç və onun tərəfdarları Əlcəzair, Əfqanıstan, Sudan, Yəmən, Pakistan və digər ölkələrdən olan minlərlə könüllüyə Bosniyanın pasportlarını təqdim etmişdilər. Nəticədə 1992-1995-ci illər ərzində serbləri öldürən şəxslər bir günün içində dinc Bosniya vətəndaşlarına çevrilmişdilər. Onlar Bosniyadan Serbiya, Kosova və Makedoniyaya keçdilər. Bu ərazilərdə aktiv işləyən şəxslər minlərlə gənci öz sıralarına çəkib imansızlara qarşı müharibənin bütün yollarını öyrətdilər. Yerli xüsusi xidmət orqanları Mərkəzi Kəşfiyyat İdarəsində olan həmkarlarının yardımı ilə bu işə gözlərini yumdular. Beləliklə, 20 il ərzində bir neçə min döyüşçü hazırlandı ki, onlar da hazırda İŞİD-in tərkibində aktiv şəkildə döyüşürlər. Hazırda İŞİD-də vuruşan 600 balkanlı geriyə qayıdır və bu dönüş getdikcə böyüyəcək".