Rusiya Prezidenti Vladimir Putinlə Ermənistan Prezidenti Serj Sərkisyan arasında telefon danışığı baş tutub.

Axar.az Kremlin rəsmi saytına istinadən xəbər verir ki, tərəflər arasında rus-erməni ittifaqı, dinc məqsədli nüvə və neft-qaz sənayesində əməkdaşlıq məsələləri müzakirə olunub.

Ermənistanın 2015-ci ilin yanvarın 2-də Avrasiya İqtisadi Birliyinə üzvlüyünün təsdiq olunmasından sonra inteqrasiya proseslərinin daha da inkişaf etdirilməsi də müzakirə edilib.

Prezidentlər arasında qondarma soyqırım və Böyük Vətən Müharibəsində Qələbənin 70 illiyi ilə bağlı keçiriləcək tədbirlərdən də bəhs edilib.

Qeyd edək ki, Qərbin tətbiq etdiyi sanksiyalar fonunda Türkiyə-Rusiya arasında iqtisadi-siyasi münasibətlərin yaxşılaşmasına baxmayaraq, Kreml yenə də qondarma erməni soyqırımınını gündəmdə saxlayır.