Böyük Britaniyanın Baş naziri Devid Kemeron Marqaret Tetçerin dövründə olan xüsusi fondun bərpası haqqında əmr verib.

Axar.az xəbər verir ki, bu barədə informasiyanı "Bloomberg" agentliyi yayıb.

Agentliyi məlumatına görə Kemeron fondun yaradıldığını cümə axşamı Avropa Birliyi liderlərinə elan edəcək. Yaradılacaq fondun büdcəsi 5 milyon funt(7,35 milyon dollar) olacaq. Bu pullar Moldova, Gürcüstan, Bosniya və Herseqovinada demokratikləşmə üçün istifadə ediləcək. Gələcəkdə isə onun büdcəsi iki dəfə artırılacaq.

Agentliyin məlumatına görə Kemeron bu addımı Rusiyanın postsovet məkanındakı təsirini zəiflətmək üçün atıb.