Qanuni oğrular Zaxar Kalaşovun (Şakro Molodoy) rəhbərliyi altında yeni genişmiqyaslı "sxodka"ya hazırlaşırlar.

Axar.az xəbər verir ki, bu barədə informasiyanı Rusiya mətbuatı özünün etibarlı mənbələrinə istinadən yayıb.

Mənbənin sözlərinə görə, yeni iclasda oğru aləminin konkret hansı nümayəndələrinin "oğru" titulundan məhrum olacağı müəyyən ediləcək. "Kriminal generallar"ın yeni sxodxası yazın sonu və yayın əvvəlində Moskva regionunda baş tutacaq. "Sxodka"da 300 qanuni oğru iştirak edəcək. Onlar "kriminal generallar"la bəzi səhv hərəkətlərinə görə, qanuni oğru titulundan məhrum olunmaları müzakirə edəcəklər. Görüş zamanı Tariyel Onianinin (Taro) keçmiş və indiki tərəfdarları arasındakı müharibə də müzakirəyə çıxarılacaq.

Qeyd edək ki, bundan öncə 2015-ci ilin yanvarında qanuni oğrular İrəvanda toplanmışdılar. Burada iştirak edən oğruların sayı təxminən 100 nəfərə çatmışdı.