Cənubi Koreya Prezidenti Pak Kın Xe faşizm üzərində qələbənin 70 illiyi münasibəti ilə Moskvada keçiriləcək parada gəlməkdən imtina edib.

Axar.az xəbər verir ki, bu barədə Cənubi Koreyanın "Renxap" agentliyi məlumat yayıb.

Cənubi Koreyanı tədbirlərdə prezidentin məsləhətçisi, millət vəkili Yun San Xyon təmsil edəcək.

Qeyd edək ki, ABŞ Prezidenti Barak Obama, Böyük Britaniya Baş naziri Devid Kemeron, Avropa Şurasının sədri Donald Tusk, Polşa, Sloveniya və Gürcüstan prezidentləri Moskvaya dəvətdən imtina ediblər. Almaniya kansleri Angela Merkel isə əvvəlcə imtina etsə də, sonradan dəvəti qəbul etdiyini açıqlamışdı.