Payızda koronavirusa yoluxma sayı daha da artacaq.

Axar.az xəbər verir ki, bunu türkiyəli professor Tofiq Özlü deyib. O bildirib ki, mövsümlə əlaqədar həm digər yoluxucu xəstəliklərdə artım olması, həm də insanların qapalı məkanlarda çox olması yoluxma riskini artıracaq:

“Payızda insanlar açıq məkanlardan qapalı ərazilərə üz tutacaqlar, bu zaman da yoluxma riski artacaq. Buna görə payızda yoluxma sayının daha da artacağı gözlənilir. Qarşımızda çətin bir dövr var. Tədbirlərə diqqət yetirməliyik”.

Türkiyəli professor təhsil müəsissələrinin açılmasının da yoluxma sayını artıracağını deyib:

“Milyonlarla insan həftənin 5 günü azı 5-6 saat qapalı məkanda olacaq. Bu, hər gün təkrarlanacaq və qarşıdakı günlərdə yoluxma ilə bağlı narahatlığı artıracaq. Ənənəvi qaydada məktəblərin açılması ciddi risk daşıyır. Hesab edirəm ki, bu riskin qarşısını almaq üçün tədbirlər görüləcək. Amma nə olursa-olsun, məktəblərdə risk aradan qalxmayacaq”.