Uzun müddətdən bəri TMSF-nin (Qənaət Haqqı Sığorta Fondu) əlində olan Türkiyənin Şou TV kanalının yeni sahibi məlum olub.

Axar.az xəbər verir ki, Şou TV-ni "Axşam" qəzetinin və Sky 360 kanalının sahibi, biznesmen Ethem Sancağın aldığı iddia edilib.

"Medyahaber.com"un xəbərinə görə, televiziya kanalının iş adamına satışı artıq gerçəkləşib. TMSF-nin bu satışı yaxın günlərdə rəsmi olaraq açıqlayacağı gözlənilir.

Qeyd edək ki, Türkiyənin məşhur və gənclər tərəfindən dürüst olduğu düşünülərək sevilən iş adamı Ethem Sancak bir müddət bundan əvvəl "Sabah" qəzeti və ATV kanalının satış tenderinə girərək media sahəsinə də pul yatırmağa təşəbbüs etmişdi.