ABŞ Dövlət Departamenti Konqresi Yəmənin Ənsar Allah (husilər) təşkilatını terror təşkilatları siyahısından çıxarmaq niyyəti barədə məlumatlandırıb.

Axar.az xəbər verir ki, bu məlumatı ABŞ Dövlət Departamenti yayıb. Vaşinqton bu qərarın ABŞ-ın husilər və onların bundan öncəki davranışları ilə bağlı fikirlərinə təsir etmədiyini bildirib:

“Biz Səudiyyə Ərbistanına öz ərazisini qorumağa yardım etməkdə tam qərarlıyıq”.

Qeyd edək ki, Tramp hakimiyyətinin son günündə husiləri terror təşkilatları siyahısına daxil etmişdi. Bayden isə bundan öncəki çıxışında ABŞ-ın Yəməndəki savaşda ərəb koalisiyasına dəstək verməkdən imtina etdiyini bildirmişdi.