Türkiyədə erkən parlament seçkisi keçiriləcəyi halda AKP yenidən təkbaşına iqtidar ola bilər.

Axar.az xəbər verir ki, bu, özünü Türkiyənin "ANDY-AR" ictimai araşdırma şirkətinin keçirdiyi sorğuda göstərib. Sorğunun nəticələrinə görə, AKP və CHP-nin səs faizləri yenidən artıb.

AKP sorğuda 42,8, CHP 27,3, MHP 15,4, HDP isə 11,7 faiz səs alıb.

Bu nəticələr AKP-yə parlamentdə 272-277, CHP-yə 140, MHP-yə 75-80, HDP-yə isə 65-70 arası millət vəkili qazandıracaq.

Qeyd edək ki, təkbaşına iqtidar olmaq üçün bir partiyanın parlamentdə 276 millət vəkili yeri qazanması lazımdır.