Bu, uşaq oyuncağı deyil. Bir müharibə başlandığı görünür.

Axar.az xəbər verir ki, bu sözləri PKK-nın Qəndildəki lideri Murad Qarailan deyib.

Onun fikrincə, terror təşkilatının hazırkı taktika və strategiyası müdafiəyə köklənib:

"Madam ki onlar bizi savaşla yox etmək istəyirlər, buyursunlar, bacarırlarsa etsinlər. Onlar formalaşmış kəşfiyyat və yüksək texonologiya imkanlarına güvənərək bizi məhv edəcəklərini düşünürlər. Etsinlər, görək…"

PKK lideri hesab edir ki, Ərdoğan hökuməti kürd probleminin həllinə səmimi yanaşmayıb: "Ceylanpınarda iki polisin öldürülməsi isə bizim qərarımızla olmayıb.

Bu, "Apoçu fədailər" deyilən qrup tərəfindən həyata keçirilib. Biz silahları yerə qoymağa qarşı deyilik. Ancaq bu köhnə bir çağırışdır. Fakt budur ki, Türkiyə tərəfindən PKK-ya qarşı hücum konsepsiyası hazırlanıb".