ABŞ-ın Missuri ştatınının Ferqyuson şəhərində qaradərili Maykl Braunun polis tərəfindən öldürülməsinin ildönümü ilə əlaqədar etiraz aksiyaları başlayıb.

Axar.az xəbər verir ki, nümayişlərin davam etdiyi Sent-Luis şəhərində baş verən hadisələrindən sonra bölgədə fövqəladə vəziyyət elan edilib.

Etirazçılar hüquq-mühafizə orqanlarının əməkdaşlarına butulkalar və daşlar atıblar. Bundan sonra polis aksiyanı dağıtmaq əmri alıb.

"Təhlükəsizlik bizim başlıca vəzifəmizdir. Bu artıq dinc etiraz deyil. İştirakçılar qanuna əməl etmirlər", - polis əməkdaşları bildirib.

Etiraz aksiyalarında təxminən 50 nəfər saxlanılıb.