Türkiyə-Suriya hökuməti arasında razılaşma əldə edildiyi iddia edilib.

Axar.az Röyters-ə istinadən xəbər verir ki, Suriyanın Zəbədani qəsəbəsində və İdlib şəhərinə bağlı iki kənddə İranın vasitəsiçiliyi ilə iki ölkə arasında 48 saatlıq atəşkəs elan edildiyi bildirilib. Əsəd rəhbərliyinə dəstək verən İranın Hizbullah, Türkiyənin isə müxalif qruplar üzərində nüfuzunun yüksək olması atəşkəsin əldə edilməsində böyük rol oynayıb.

Qeyd edək ki, müxalif qruplar Livanla sərhəd qəsəbəsi Zəbədanidə Hizbullah və Suriya ordusu tərəfindən mühasirəyə alınmışdı. İdlib yaxınlığındakı Əl Fua və Kefraya kəndləri isə müxalif qrupların nəzarəti altındaydı.