"Beynəlxalq cəmiyyətin bir araya gəlib, Suriyada mülki vətəndaşların öldürülməsinə "yox" demələrinin vaxtı çatıb".

Axar.az xəbər verir ki, bu açıqlama ilə ABŞ-ın BMT-dəki daimi nümayəndəsi Samanta Pover çıxış edib.

Əsəd rejiminin son həftələr Deraya və Zəbədani bölgələrində 2 mindən çox mülki vətəndaşı qətlə yetirdiyini qeyd edən Pover Əsədin xalqa yalan danışdığını bildirib:

"Bombalar yüzlərlə insanı öldürdü, məktəbləri, məscidləri, bazarları, xəstəxanaları və sanitar maşınları məhv etdi. Rejim qüvvələrinin İdlibdə bir bazarı bombalaması nəticəsində aralarında qadın və uşaqların da olduğu bir çox insan həyatını itirdi. Əsəd rejimi zaman keçdikcə mülki vətəndaşlara qarşı hücumu artırır. Ancaq Əsəd mətbuata, xalqa yalan danışaraq bildirir ki, bu hücumlardan xəbəri yoxdur".