Türkiyə Prezidenti Ərdoğan beynəlxalq aləmdə öz hörmətini itirdiyinə görə İŞİD-ə qarşı yaradılmış koalisiyaya qoşulub.

Axar.az xəbər verir ki, bunu "Vaşinqton Post" qəzetinə müsahibəsində Xalqların Demokratik Partiyasının həmsədri Səlahəddin Dəmirtaş söyləyib. Onun sözlərinə görə, Ərdoğan yalnız bu savaş sayəsində "İŞİD tərəfdarı" imicindən canını qurtara biləcəyini düşünür:

"Türkiyə öz torpaqlarını İŞİD-in istifadəsi üçün açdı. Ərdoğan İŞİD-in ölkəyə keçməsinin qarşısını almaq üçün sərhədi bağlamadı. O, ABŞ-ın İŞİD-ə qarşı qurduğu koalisiyaya yaraşan partnyor deyil.

İncirlik razılaşması ilə ABŞ-ın kürdlərə xəyanət etdiyini düşünmürəm. İŞİD-ə qarşı atılan hər addımı dəstəyirik. Biz ABŞ-ı PKK ilə Türkiyə arasındakı sülh prosesinə yardım etməyə səsləyirik".