Kanadada inflyasiya səviyyəsi 2021-ci ildə 4,8 faiz təşkil edib ki, bu da 1991-ci ilin sentyabrından bəri maksimal göstəricidir.

Axar.az xəbər verir ki, bu barədə Kanadanın Statistika Bürosu məlumat yayıb.

Sürətli inflasiyaya səbəb kimi koronavirus pandemiyası, müxtəlif məhsulların tədarükündə yaranan fasilələr və yanacaq qiymətlərinin artması göstərilib. Belə ki, ötən il Kanadada benzin 31,2 faiz bahalaşıb.

Bundan əlavə, ölkədə ərzaq məhsulları orta hesabla 5,7 faiz, yeni avtomobillər 7,2 faiz, məişət texnikası 8,9 faiz, aviabiletlər isə 24,7 faiz bahalaşıb.