Ukraynanın Donbasda genişmiqyaslı hərbi əməliyyatlar başlayacağı informasiyası sadəcə təbliğat xarakterli provokasiyadır.

Axar.az xəbər verir ki, bu barədə informasiyanı Ukrayna ordusunun Baş Qərargahı öz Feysbuk səhifəsində yerləşdirib.

İdarənin açıqlamasında bu şayiənin anti-Ukrayna isteriyasının bir parçası olduğu vurğulanır:

"Onlar əhalini rus terrorçularının boz zonaları tutması üçün pisləşəcək sosial standartlara hazırlayırlar. Bu, Ukrayna ordusunun guya aktivliyinə cavab formasında olacaq. Ukrayna ordusu Donetsk və Luqansk bölgələrində növbəti provokasiyaların baş tutmasına yol verməyəcək".

Qeyd edək ki, dünən Donetsk separatçıları Ukraynanın müstəqillik günündə (24 avqust) Kiyevin separat bölgələrə hücum edəcəyi haqqında informasiya yaymışdı.