Ermənistanın Şirak vilayətində Rusiyanın 102-ci hərbi bazasının tabeliyindəki Kamxut dağ poliqonunda mərmi partlayıb. Hadisə nəticəsində bir nəfər ölüb.

Axar.az xəbər verir ki, bu barədə erməni mediası məlumat yayıb.

Ölənin 1957-ci il təvəllüdlü çoban olduğu bildirilib.

Partlayış zamanı poliqonda hər hansı təlim keçirilməyib.

“Mərmi öncəki təlimlərdən qalma ola bilər. Orada sel sularının axıdılması üçün xəndəklər var. Ola bilsin ki, su mərmini başqa yerə gətirib. Mümkündür ki, çoban mərmini görüb və ona yaxınlaşıb”, - deyə Axuryan bələdiyyəsinin rəhbərinin müavini Karen Arşakyan bildirib.