09:35

Krım körpüsündə yanacaq çəni yanıb, oradakı nəqliyyatın hərəkəti dayandırılıb.

Axar.az xəbər verir ki, bu barədə "Taman" yol idarəsi məlumat verib.

Krımın Fövqəladə Hallar Xidmətinin məlumatına görə, körpüdə qatarların hərəkəti də dayandırılıb.

"Naviqasiya tağlarına ziyan dəyməyib. Səbəb və nəticələr barədə danışmaq tezdir. Hazırda yanğının söndürülməsi istiqamətində işlər aparılır", - yerli orqanlardan bildiriblər.

Qeyd edək ki, Krım körpüsü Rusiyanın ən uzun körpüsüdür, uzunluğu 19 kilometrdir. Körpü Rusiya ilə Ukraynanın işğal altındakı Krım yarımadasını birləşdirir. Avtomobil hissəsi 2018-ci ilin may ayında istismara verilib. 2019-cu ilin dekabrında isə onun dəmir yolu hissəsi ilə ilk qatarlar hərəkət etməyə başlayıb.

***

Krım körpüsündə baş verən yanğın söndürülüb, hazırda açıq yanma yoxdur.

Bu barədə RİA Rusiya Fövqəladə Hallar Nazirliyinə əsasən məlumat yayıb.

“Krım körpüsündə dizel yanacağı ilə yüklü olan dəmir yolu qatarındakı yanğı söndürülüb, hazırda açıq yanma yoxdur. Söndürmə işlərinə 250 nəfər heyət, 70 texnika cəlb olunub”, - məlumatda bildirilir.