Rusiya neftinə qiymət limitinin tətbiq edilməsi həm Moskvaya, həm də Brüsselə zərər verəcək. Bundan qazanan sadəcə Vaşinqton olacaq.

Axar.az xəbər verir ki, bu barədə “Qlobal Tayms” məlumat yayıb.

“Rusiya neftinin tavanını müzakirə edən Avropa ölkələri getdikcə daha çox başa düşürlər ki, ABŞ AB-ni Vaşinqtonun mənfəətini və maraqlarını artırmaq üçün Moskvaya qarşı tədbirlər görməyə məcbur edir. Buna görə də AB ölkələrində qiymət tavanı ilə bağlı yaranan fikir ayrılıqlarını problemi əvvəldən hiss etmək kimi başa düşmək olar. Bundan başqa, Rusiya neftinə qiymət həddi tətbiq edilməsi artıq enerji böhranı ilə üzləşən AB-yə zərər vurmaqla yanaşı, qlobal enerji bazarında böyük xaosa da səbəb olacaq”, - nəşr yazıb.