Quql şirkəti həyatlarını riskə ataraq Aralıq dənizi ilə keçən qaçqın və miqrantların smartfonlarına vaxtında vacib məlumatlar çatdıran yeni sistem təqdim edib.

Axar.az xarici mətbuata istinadən xəbər verir ki, Şirkət Beynəlxalq Xilasetmə Komitəsinə və miqrantlara kömək məqsədilə yaşayış, nəqliyyat, tibb müəssisələri haqqında informasiya verən "Mercy Corps" saytına qoşulub.

Quql artıq Sərhədsiz həkimlər, Beynəlxalq Xilasetmə Komitəsi, Uşaqları xilas edin və BMT-nin Qaçqınlar üzrə Ali Komissarlığı təşkilatlarının dəstəklənməsi üçün lazım olan 11 milyon dolların 5,5 milyonunu şəxsi ianələr sayəsində toplaya bilib.

Şirkət ərəb və fars dillərindən alman dilinə tərcümə edə bilənləri Almaniyaya gələn bu insanlara kömək etmək üçün Quqlun tərcümə sisteminə öz töhfəsini verməyə çağırıb.