Yaxın Şərqdə Rusiya və İranın təsirinin artmasından sonra ABŞ Prezidenti Barak Obama regionla bağlı strategiyasını dəyişdirmək məcburiyyətində qaldı.

Axar.az xəbər verir ki, bu barədə İngiltərənin "Qardian" qəzeti yazıb.

Qəzet İranın Suriya böhranı ilə bağlı Vyana görüşünə dəvət edilməsini ABŞ-ın zəifliyi kimi qiymətləndirib:

"Obama siyasi rəqiblərinin "utandıran bombardmanları" altında qaldı. Nəticədə Obama İŞİD-ə və Suriya Prezidenti Bəşər Əsədə qarşı uğursuz strategiyanı dəyişdirməli oldu. ABŞ-ın İraqda İŞİD-ə qarşı quru əməliyyatları təşkil etmək istəməsi Obamanın taktika dəyişikliyinin göstəricisidir. Obama administrasiyası Rusiyanın bölgədəki təsirini azaltmaq üçün Moskva ilə hər cür razılaşmaya hazırdır".

Qeyd edək ki, Rusiya sentyabrın 30-dan etibarən Suriyada hava əməliyyatları gerçəkləşdirir.