2023.02.04 - 21:12

Çinə məxsus hava şarı Atlantik okeanı üzərinə keçəndən sonra ABŞ tərəfindən vurula bilər.

Axar.az xəbər verir ki, bu barədə ABC telekanalı ABŞ rəsmilərinə istinadən məlumat verib.

Bildirilib ki, mülki şəxslərin təhlükəsizliyi üçün hava şarının okean üzərinə keçməsi gözlənilir və bundan sonra okean üzərində hava şarının vurulması ehtimalı var. Daha sonra isə şarın tullantılarının okeandan toplanması planlaşdırılır.

***

Əgər plan şarı vurmaqdırsa, bu qarşıdakı 45 dəqiqə ərzində baş verəcək.

Bu barədə "Foks Nyus" məlumat yayıb. Hazırda hava şarının ABŞ tərəfindən Atlantik okeanı üzərində vurulması ehtimalı yüksəkdir.

Qeyd edək ki, bir neçə gün əvvəl Çinə məxsus olduğu təsbit edilən hava şarı ABŞ səmasına daxil olub. Buna etiraz olaraq, Entoni Blinken də etiraz olaraq Çinə səfərini ləğv edib.

***

ABŞ hava məkanına daxil olan Çinə məxsus hava şarını vurub.

Bu barədə “Assoşeyted Press” agentliyi məlumat yayıb.

Məlumata görə, hazırda qalıqların sudan çıxarılması istiqamətində iş aparılır.