CNN telekanalının Yaxın Şərq siyasəti ilə bağlı yayımladığı xəritədə İsrail dövləti göstərilməyib.

Axar.az xəbər verir ki, sözügedən dövlətin ərazisi Fələstin torpaqları kimi qeyd olunub.

Telekanalın bu addımı İsrail mətbuatında böyük qəzəblə qarşılanıb. "İsrail Tudey" qəzeti CNN-i sərt tənqid edərək telekanalın İsrailə qarşı bu qərəzinin ilk olmadığını bildirib:

"Bu CNN-nin İsrailə qarşı etdiyi ilk riyakarlıq deyil. Bundan əvvəl də buna bənzər olaylar baş verib. Lakin bu dəfə telekanal həddini aşdı. Bu qəbuledilməzdir. CNN-nin bu hərəkətinə görə İsrailin düşmənləri çoxalacaq. Buna baxmayaraq, İsraili məhv edə bilməyəcəksiniz".