2008-ci ildə İsrailə getdim və Mossad lideri Meir Daqanla iki saatlıq görüşümüz oldu.

Axar.az-ın verdiyi xəbərə görə, bu açıqlama ilə "Aydınlıq" qəzetinin köşə yazarı və keçmiş kəşfiyyatçı İsmayıl Haqqı çıxış edib.

Sabiq kəşfiyyatçının sözlərinə görə, Mossad lideri ona Kürdüstan hökumətinin başçısı Məsud Bərzani ilə görüşməyi təkidlə təklif edib:

"Dedi ki, komandirlərə söylə, Bərzani ilə təmasda olsunlar. Bərzani ilə təmasa keçsəniz, bölgədən neft və qazı münasib qiymətə ala bilərsiniz. O, bu 2 saatlıq görüşdə çox israr etdi ki, Bərzani ilə görüşək".

Yazar xatırlayıb ki, Türkiyəyə qayıdışında hava limanında olarkən Mossad rəhbərinin adamı ona yaxınlaşıb:

"Mənə məktubla bir mesaj göndərmişdi. Yenə də Bərzani ilə təmasa keçməyimi istəyirdi".