Suriya böhranı qısa zamanda həll edilməyəcək.

Axar.az xəbər verir ki, bu sözləri Türkiyə Baş nazirinin müavini Yalçın Akdoğan Hatay vilayətində türkmanlarla görüşü zamanı deyib.

"Suriyadakı böhran uzun zaman ərzində həll edilə bilər. Qlobal güclərin maraqları Suriyada toqquşur. Bunun əziyyətini də Suriya xalqı çəkir. Türkiyəyə İraq və Suriyadan 56 minə yaxın türkman gəlib. Pənah gətirən qaçqınların milliyətini heç bir zaman soruşmadıq. Hansı millətdən olmasına baxmayaraq, biz onlara sığınacaq verdik. Suriyalı qardaşlarımıza yardım etməyə davam edəcəyik", - deyə Akdoğan əlavə edib.