Boris Nemtsovun qətli ilə bağlı bütün izlər Çeçenistana aparır.

Axar.az xəbər verir ki, bu sözləri rusiyalı deputat Dmitri Qudkov deyib. Onun sözlərinə görə, Rusiya Prezidenti Vladimir Putin Çeçenistanda problemlərin yaranacağından qorxur:

"Əvvəlcə anlamaq lazımdır ki, niyə hökumət bu cinayət işinin təhqiqatını sona qədər aparmaq istəmir?! Məsələ Nemtsovda deyil. İş burasındadır ki, güc monopoliyası pozulub. Güc monopoliyası gərək hökumət və hərbçilərə məxsus olsun.

Dünyanın heç bir ölkəsində kimsə bu monopoliyaya müdaxiləyə cəsarət etmir. Bu təhqiqatın aparılmasında maraqlı olan hərbçilər hər kəsə bu monopoliyaya heç kimin müdaxilə edə bilməyəcəyini nümayiş etdirməyə çalışırlar. Bütün izlərin hamısı Çeçenistana gedib çıxır. Putin Qafqazda hansısa problemlərin olmasında maraqlı deyil".

Qeyd edək ki, rusiyalı müxalif siyasətçi Boris Nemtsov keçən ilin fevralında qətlə yetirilib. Onun ölümü ilə bir neçə nəfər həbs edilib. Həbs edilənlər Çeçenistandandır.