Sankt-Peterburqda azərbaycanlının iştirakı ilə silahlı insident baş verib.

ANS-in Rusiya KİV-nə istinadən verdiyi məlumata görə, ərzaq mağazasının sahibi 44 yaşlı azərbaycanlı aralarında baş verən mübahisə zamanı müştərilərinə atəş açıb. Hadisə Krasnoqvardeyskom rayonunda qeydə alınıb.

Hazırda atışmanın dəqiq başvermə səbəbləri araşdırılır. İnsident baş verən ərazidən polis əməkdaşları rezin güllələr, şampan butulkası, üzərində qan izləri olan sınmış şüşə və toxunma papaq götürüblər.

Hazırda polis tərəfindən mağazaya quraşdırılan 3 kameranın hadisə zamanı qeydə aldığı görüntülər izlənilir.

Polis əməkdaşlarının ilkin məlumatına görə, azərbaycanlı belə bir addımı özünümüdafiə məqsədi ilə atıb. Bundan başqa hüquq-mühafizə orqanlarına silahlı insidentdən zərərçəkmiş şəxslər tərəfindən heç bir ərizə daxil olmayıb.