2024.02.19 - 22:53

İspaniyada ölən və ölkənin Mülki Qvardiyasının ukraynalı adlandırdığı şəxsin kimliyi səhv müəyyən edilmiş ola bilər.

Axar.az xəbər verir ki, bu barədə Krallığın Daxili İşlər Nazirliyi 2023-cü ildə Rusiya hərbi helikopterini qaçıran Maksim Kuzminovun Alikante əyalətində mümkün ölümü ilə bağlı TASS-ın sorğusuna cavab olaraq bildirib.

“Ötən həftənin çərşənbə axşamı Villajoyosada bir adamın bir neçə güllə yarası ilə meyiti tapılıb. Davam edən araşdırmalar zamanı məlum oldu ki, bu şəxsin şəxsiyyəti saxta ola bilər və biz başqa bir insan haqqında danışa bilərik. Mülki Qvardiya bu məlumatları yoxlamaqda davam edir, lakin hələlik əlavə məlumat verə bilməz”, - məlumatda vurğulanıb.

Qeyd edək ki, fevralın 19-da Ukrayna Müdafiə Nazirliyinin Baş Kəşfiyyat İdarəsi 2023-cü ildə Rusiya hərbi helikopterini qaçıran Kuzminovun ölümünü təsdiqləyib.